Një 39 vjeçar është ekstraduar ditën e sotme nga Belgjika drejt vendit tonë.
I ekstraduari identifikohet si Diego Haxhiraj, alias Teki Haxhiraj, 39 vjeç.
Ai ishte i shpallur në kërkim ndërkombëtar, pasi rreth dy vite më parë tentoi të vriste me armë zjarri dy punonjës të policisë.
Ngjarja ka ndodhur mbrëmjen e datës 2 shtator 2022, kur 39 vjeçari së bashku me një person tjetër hapën zjarr ndaj dy oficerëve. Autorët u larguan menjëherë nga vendngjarja me një aumjet, që më pas u gjet dhe u sekuestrua nën cilësinë e provës nga uniformat blu.
Gjykata e Shkallës së Parë e Vlorës ka caktuar ndaj 39 vjeçarit masën e sigurisë “arrest në burg” për veprat penale “Vrasja në rrethana të tjera cilësuese”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”
Ekstradimi i tij u bë përmes bashkëpunimit të Interpol Tirana dhe homologët në Belgjikë, përmes operacionit të koduar “para drejtësisë”.
Njoftimi i policisë
Ekstradohet nga Belgjika, një 39-vjeçar që akuzohet se rreth 2 vjet më parë, në Vlorë, tentoi të vriste me armë zjarri, 2 punonjës policie.
Si rezultat i bashkëpunimit të ngushtë të specialistëve të Interpol Tiranës me homologët në Belgjikë, u finalizua procedura për ekstradimin në Shqipëri, të shtetasit të shpallur në kërkim ndërkombëtar, D. H. alias T. H., 39 vjeç.
Këtij shtetasi, Gjykata e Shkallës së Parë e Juridiksionit të Përgjithshëm Vlorë, në vitin 2022, i ka caktuar masën e sigurisë “Arrest në burg”, për veprat penale “Vrasja në rrethana të tjera cilësuese”, mbetur në tentativë, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe i municionit”.
Mbrëmjen e datës 02.09.2022, në qytetin e Vlorës, dyshohet se shtetasi D. H. alias T. H., në bashkëpunim me një shtetas tjetër, ka qëlluar me armë zjarri, në drejtim të 2 punonjësve të Policisë. Autorët u larguan nga vendngjarja, me një automjet, i cili u gjet dhe u sekuestrua nga Policia.
Operacioni “Para drejtësisë” vijon.
