Presidenti i Turqisë Rexhep Taip Erdogan i kërkoi Gjermanisë që të tërhiqet nga vendimet e saj në kulmin e mosmarrëveshjeve midis dy vendeve. Gjermania lajmëroi sot ndërprerjen e projekteve të armatimit për Turqinë.
“Unë dua t’u kujtoj miqve të mi gjermanë dhe të gjithë botës: Ju nuk jeni mjaft të fortë për të diskretituar Turqinë dhe nuk jeni kurrë aq të fortë sa të na trembni me gjëra të tilla”, tha ai.
Erdogan tha se dënon me forcë vërejtjet e ministrit gjerman me qëllim që të trembnin kompanitë që investonin në Turqi. Ai shtoi se raportet e hetimit kundër kompanive gjermane ishin krejtësisht të rreme.
