Palët duhet të kthehen tek dialogu dhe Kosova nuk mund të bëjë veprime unilaterale lidhur me ushtrinë.
Ky është mesazhi i europarlamentares e raportueses për Kosovën në PE, Tanja Fajon në bisedë me Deutsche Wellen.
“Shpreh keqardhje të thellë për përkeqësimin e dialogut mes Kosovës e Serbisë, sepse ai është kardinal për të lehtësuar jetën e njerëzve atje, prandaj ne këmbëngulim që të dyja palët të mos e ndërpresin dialogun dhe të gjitha tensionet shtesë tani vetëm sa e dëmtojnë procesin”
Ndërkaq duke komentuar iniciativën e presidentit, Hashim Thaçi për ushtrisë e Kosovës, si dhe mos marrjen e mbështetjes së ndërkombëtarëve për këtë çështje ajo tha “Ne e dimë cili është pozicioni i NATO-s, ai i palës amerikane dhe BE. Kjo u theksua qartë edhe javën e kaluar. Të gjitha institucionet e bëjnë të qartë të mos ndërmerren veprime unilaterale për krijimin e ushtrisë. E unë i bashkohem këtij apeli”, transmeton Klan Kosova.
