Familjarë, dashamirë dhe miq të shumtë i dhanë lamtumirën e fundit Bajram Bullakut, i cili humbi jetën mbrëmjen e djeshme në një aksident trafiku që ka ndodhur te “Kroni i Mbretit” në Korreticë të Epërme.
Në varrimi i tij morën pjesë një numër jashtëzakonisht i madh i njerëzve. Rruga për Qikatovë të Vjetër ishte pothuajse e bllokuar nga numri i madh i makinave dhe njerëzve që erdhën për t’i dhënë lamtumirën e fundit Bajramit.
Një gjest burrëro dhe madhështor i vëllezërve të të ndjerit përloti shumë të pranishëm. Ata vendosën që pavarësisht dhimbjeve të mëdha, të falin gjakun e vëlluat të tyre.
