Një i ri përfundoi në prangat e policisë pasi ka rrëmbyer me forcë në makinë një shtetase të cilën e kishte fiksim dhe e përndiqte prej kohësh në mënyrë sistematike. I arrestuari është Klajdi Barzezi.
“Nga specialistët e Hetimit të Krimit në Komisariatin e Policisë Durrës u bë arrestimi në flagrancë i shtetasit Klajdi Barzezi, 23 vjeç, banues në Shijak, për veprat penale “Përndjekja” dhe “Heqja e paligjshme e lirisë”, tha policia.
Njoftimi nga policia e Durrësit:
Mori me forcë në automjet, një shtetase që e përndiqte në mënyrë të vazhdueshme, arrestohet në flagrancë 23-vjeçari.
Nga specialistët e Hetimit të Krimit në Komisariatin e Policisë Durrës u bë arrestimi në flagrancë i shtetasit K. B., 23 vjeç, banues në Shijak, për veprat penale “Përndjekja” dhe “Heqja e paligjshme e lirisë”.
Arrestimi i tij u bë pasi ka bërë kallëzim shtetasja M. S., banuese në Shijak, se shtetasi K. B., i cili e përndiqte në mënyrë të vazhdueshme, e ka marrë me forcë në automjetin e tij, pa dëshirën e saj.
Materialet i kaluan Prokurorisë, për veprime të mëtejshme.
