Nga Karen Von Guttenberg, BILD
Lindja e Ukrainës është goditur më rëndë nga kjo luftë. Bombë pas bombe, e gjithë jeta është zhdukur, e keqja ruse kthen në hi çdo gjë që lulëzon. Qyteti Marinka, 27 kilometra në jugperëndim të Donetsk-ut, nuk ekziston më! Rusët e kanë fshirë qytetin, që më parë kishte pothuajse 10 mijë banorë.
Qyteti i vogël, i ndërtuar në vendin ku lumi Vovcha rimerr pak gjerësi, ishte dikur një vend idilik dhe solid. Kishte godina të parafabrikuara, por edhe ndërtesa kulti me çati të ndezura. Peshkatarët uleshin në breg, ndërsa njerëzit shëtisnin pranë tyre.
Qyteti ka duruar pretendimet e Rusisë për plotfuqishmëri që nga viti 2014, kur rusët filluan të depërtojnë në Ukrainën lindore dhe të pretendojnë territore. Me fillimin e luftës nga Rusia, Marinka ishte- dhe është ende- pjesë e vijës së frontit. Asnjë civil nuk ka jetuar atje që nga nëntori 2022. Qyteti është bërë rrafsh me tokën plotësisht, siç tregojnë pamjet e reja. Të postuara me gëzim të neveritshëm nga ushtria ruse. Duke i kthyer plotësisht në hi qytetet dhe njerëzit- ja si duket ‘çlirimi’ rus…
© SYRI.net
