Një gazetare ruse është në gjendje të rëndë pasi është therrur me thikë në vendin e punës në Moskë nga një person i panjohur, transmeton Klan Kosova.
Ekho Moskvy, e cila është përshkruar si radioja e vetme e pavarur e lajmeve në Rusi, ka thënë në ueb-sajtin e saj se sulmuesi është futur në studiot e radios dhe e ka therur Tatyana Felgenhauer.
Kryeredaktori i radios, Alexei Venediktov, ka shkruar në Twitter se Felgenhauer është dërguar në spital dhe se është jashtë rreziku. Sipas tij, sulmuesi është arrestuar.
