Profesorja dhe politikania Solza Gërçeva ka shprehur qëndrimin e saj për ndryshimin e dokumenteve personale në rrjetet sociale. Ajo thotë se në këtë rast ndryshimi duhet të jetë pa pagesë sepse qytetarët ndërrojnë dokumente që janë të vlefshme për ta.
“Dokumentet e mia personale (letërnjoftimi, pasaporta dhe patentë shoferi) me emrin “Republika e Maqedonisë” janë të vlefshme edhe për disa vite dhe nuk kam ndërmend t’i ndërroj. Nëse dikush nuk i ka përshtatur me kohë, le të përgjigjet! Dhe ai do të përgjigjet sepse zonja Olgica Trajkovska ka ngritur padi kundër Zaevit dhe Spasovskit. Zoti e bekoftë”, shkruan Gërçeva.
“Të paktën për ata që vendosin t’i ndryshojnë ndryshimi duhet të jetë pa pagesë, sepse po ndryshojnë dokumente të vlefshme”. Në vend të kësaj, njerëzit kalojnë ditë duke u përpjekur për të marrë një takim (me telefon ose email) dhe askush nuk përgjigjet. Nuk ka institucione apo përgjegjësi në një shtet të shpërbërë. “Arbitrariteti dhe mbledhja e parave nga varfëria”, shtoi ajo.
