Mbrëm rreth orës 19:00 është raportuar për një vdekje të dyshimtë në Fushë Kosovë.
Një 48 vjeçare është gjetur pa shenja jete në banesën e saj.
Rastin në fjalë e ka konfirmuar edhe Flora Ahmeti, zëdhënëse e Drejtorisë së Policisë në Prishtinë.
“Viktima e këtij rasti është një femër M. B, 48 vjeçare, e cila është gjetur pa shenja jete në banesën e saj në rrugën “Kuvendi i Lezhës” në Fushë Kosovë. Vdekjen e viktimës e ka konstatuar ekipi mjekësor në vendin e ngjarjes.Trupi i pajetë është dërguar në Institutin e Mjekësisë Ligjore për obduksion, ndërkohë që hetuesit policor në koordinim me Prokurorinë përkatëse janë duke punuar për sqarimin e rrethanave të këtij rasti”, ka thënë Ahmeti.
