Një fëmijë 6-vjeçar ka vdekur pasi ka rënë në një bunar afër shtëpisë së tij në fshatin Cërrnicë të Gjilanit.
Zëdhënës i Policisë për rajonin e Gjilanit, Ismet Hashani ka konfirmuar rastin për portalin Koha.net.
Ai ka thënë se policia ka marrë një informacion se në orët e pasdites një fëmijë ka rënë në një pus dhe njësitet e policisë menjëherë kanë ndalë në vendin e ngjarjes ku sipas tij mjeku kujdestar ka konstatuar vdekjen e tij.
Sipas Hashanit nga informacionet e para mësohet se fëmija ka dalë nga shtëpia e tij dhe ka rënë në një bunar të pashfrytëzuar i cili gjendej 100 metra afër shëtisë së tij.
