Një grabitje ka ndodhur pasditen e së hënës në rrugën “Agim Ramadani” në Prishtinë.
Policia e Kosovës ka konfirmuar rastin për Koha.net. Grabitja ka ndodhur në një argjendari, ndërsa nuk dihet akoma për dëmin e shkaktuar.
“Rreth orës 16:30 kemi pranuar informacionin për një rast grabitje në rrugën ‘Agim Ramadani’. Njësitet e nevojshme policore janë aktualisht në vendin e ngjarjes dhe po merren me rastin”, ka thënë Flora Ahmeti, zëdhënëse e Policisë për Rajonin e Prishtinës.
Me rastin po merret Policia për Krime të Rënda.
