Kryetari i OVL-së së UCK-së, Hysni Gucati në emisionin InfoBox të RTV Dukagjinit ka konfirmuar se vetëm ditën e parë, janë mbledh diku rreth 5 mijë nënshkrime në peticionin e nisur, dhe deri të mërkurën, pret që ky numër të shkoj në 15 mijë nënshkrime.
Madje, Gucati thotë se kanë përkrahje edhe nga politika, duke thënë se rreth 17 deputet vetëm se e kanë nënshkruar peticionin.
“Prej tyre, i pari ka qenë, Fatmir Shurdhaj, që ka qenë ish deputet. Kemi pas edhe zëvendësministra. Por, numri aktual është 17 ose 18”, tha ai.
Gucati madje, thotë se kanë frikë se numri i veteranëve, mund të rritet edhe më shumë.
“Ne kemi frikë. Mund të rritet. Po nëse rritet, e bajshin me shëndet ata zotrinjtë të cilët janë brenda. Ne nuk marrim përgjegjsi për atë punë”, tha Gucati.
Gucati foli edhe për raportimet e fundit se po shpërndahen libreza të reja të veteranëve, për të cilat tha se nuk ka njohuri./RTV D
