“Nëse Bashkimi Evropian hamendet në përkushtueshmërinë e tij ndaj Ballkanit, dikush tjetër mund të angazhohet në këtë rajon”, theksoi eurokomisari për zgjerim, Johanes Han.
Ai tha se zgjerimi i BE-së, me të gjithë kushtet dhe kriteret, është politika më e mirë e sigurisë që Unioni kurdo qoftë e ka pasur, por ajo nuk është “drekë falas”.
“Duhet të shohim vullnet politik në vend të lojërave politike dhe zbatim të vërtetë të reformave, jo në letër, por në terren, posaçërisht në sferat kyçe të qeverisjes së të drejtës, konkurrencës dhe lidhjes. Kjo mund t’i rrezikojë modelet afariste të individëve”, porositi Hahn.
