Ditë të dorëzimit dhe të pikëllueshme e ka cilësuar atë të sotmen kryetari i grupit parlamentar të Vetëvendosjes, Glauk Konjufca.
Këtë e ka arsyetuar me dërgimin në Kuvend të ekipit negociator të qeverisë, ku Fatmir Limaj është udhëheqës, shkruan Insajderi.
Konjufca ka thënë se Haradinaj “nuk mund të del nga grushti i Thaçit dhe xhepi i Veseli”.
Sipas shefit të deputetëve të VV-së, ndryshimi i Haradinajt dhe Limajt ka ardhur pas takimit që të dy patën me Thaçin.
“Një herë patëm rezistencë, por kjo u shua me dy takimet që i patën me ta”, ka thënë Konjufca.
Ndryshe seanca ka shkuar në pauzë, pasi kryesuesi Xhavit Haliti ka thënë se ka nevojë për disa konsultime.
