I pari i Qeverisë së Kosovës, Ramush Haradinaj ka shkuar mëngjesin e së martës në vizitë ngushëllimi në familjen e ish’zëvendësministrit të Diasporës, Arian Dacit, shkruan Express.
Përmes disa fotografive që Haradinaj ka publikuar në Facebook, i pari i ekzekutivit shihet së bashku me ministrat në vizitë në familjen e akademikut Nexhat Daci.
“Bashkë me kabinetin qeveritar në vizitë ngushëlluese në familjen e Akademik Nexhat Dacit, për të ndarë dhembjen për humbjen e Arianit”, ka shkruar kryeministri.
Ndryshe, sot në orën 12:00,siç mëson Express, kryeministri do të mbledhë qeverinë e si pikë e rendit të ditës është edhe ndarja e mjeteve financiare për familjen e ish’zëvendësministrit të diasporës, Arian Dacit që ndërroi jetë tragjikisht në Brezovicë të dielën./Express
