Albulena Haxhiu, ministre e drejtësisë së Kosovës dhe zyrtare e lartë e Vetëvendosjes, në një intervistë për Alsat tha se synimi i VV-së është që në zgjedhjet e 9 shkurtit të fitojnë 500 mijë zemra të qytetarëve duke i cilësuar këto si zgjedhjet më të rëndësishme. Ajo tha se me këtë VV synon që Qeverinë e ardhshme ta formojë pa u kushtëzuar nga lista serbe. Haxhiu tha se nuk duhet të varemi nga ky subjekt e as nga subjektet të cilat i quajti klub i stërvjetëruar.
