Sakte.net / e Dielë – 02 Tetor 2016 – 15:30
Prodhuesi jugokorean ka zbuluar konceptin e veturës, me të cilën tregon se është gati t’i hyjë botës së supermakinave.
Modeli RN30 që është një veturë e gjerë dhe e lartë, me shumë fuqi dhe e shpejtë, është fjala e fundit e Hyundait – kompanisë që deri tani nuk është shquar për një veturë të tillë, transmeton Telegrafi.
Me rritjen e madhësisë, automobili me 2.0-litra ka motor me 374 kuajfuqi, i cili mund të krahasohet me Mercedesin.
Pamja e përparme nuk ka dalë nga modelet tjera, megjithëse ka një grill shumë më të madh, kurse pjesët tjera kanë ndryshime të mëdha.
Dyert që hapen duke u ngritur lartë, ndihmohen nga dy motorë elektrikë, për ta bërë procesin shumë më të lehtë.
Nuk bëhet e ditur se kur do të hyjë në prodhim kjo makinë, apo data e përafërt e lansimit. /Telegrafi/
