Natën e së mërkurës në pavijonin 2 të Qendrës Korrektuese të Dubravës nuk shkoi gjithçka si zakonisht.
Një i burgosur i dënuar për vrasje i ka vënë flakën qelisë së tij, ku ndodhej bashkë me tre të burgosur tjerë.
Stafi korrektues kishte reaguar me kohë, duke arritur t’i largonte të burgosurit, gjendja e të cilëve është e mirë.
Për këtë incident ka reaguar edhe Këshilli për Mbrojtjen e të Drejtave dhe Lirive të Njeriut, meqenëse disa herë kishte rekomanduar që ky i dënuar të trajtohej në QKUK për shkak të mungesës së kushteve në burg.
Aktualisht në Burgun e Dubravës janë të vendosur afër 900 të burgosur të dënuar për vepra të ndryshme.
