I moshuari i cili ka plagosur djalin e tij 47 vjeç me çifte në Pogradec, ka pohuar përpara uniformave blu se ngjarja ka ardhur si pasojë e dhunës së ushtruar nga i biri ndaj tij.
Burimet nga grupi hetimor pohojnë se 83 vjeçari ndodhej në gjendje të rënduar psikologjike kur ka kryer plagosjen, gjendje kjo e ardhur si pasojë e dhunës së ushtruar nga djali ndaj tij.
Kujtojmë se në momentin që ka nisur konflikti, 47 vjeçari ndodhej në gjendje të dehur e ka nisur të dhunojë të atin e tij.
I moshuari nuk ka shprehur nëse dhuna ka qenë e vazhdueshme në familje apo jo.
Vijojnë hetimet nga policia për zbardhjen e plotë dhe dokumentimin ligjor të kësaj ngjarje të rëndë.
Ndërkohë i plagosuri ndodhet në Tiranë për mjekim më të specializuar.
