Institui Kombëtar i Shëndetësisë Publike të Kosovës ka bërë apel që fëmijët të vaksinohen sipas kalendarit të rregullt.
“I bëjmë apel të gjitha komuniteteve, posaçërisht prindërve dhe liderëve të RAE komunitetit të rekomandojnë që të gjithë fëmijët e pa vaksinuar të paraqiten në QKMF-të e komunave përkatëse për të kompletuar kalendarin e vaksinimit”, thuhet në njoftimin e IKSHPK-së.
IKSHPK njofton se në Evropë dhe Ballkan është shënuar epidemi e fruthit.
“Pothuaj në të gjitha shtetet e Europës është shënuar epidemi e fruthit! Pothuaj në të gjitha shtetet ballkanike është shënuar epidemi e fruthit! Në Kosovë nuk ka epidemi të fruthit sepse janë vaksinuar mbi 95% e fëmijëve. Vaksinoni fëmijët që ti keni të shëndoshë”, thuhet në apelin e IKSHPK-së. /GazetaExpress/
