Reuters ka publikuar një fotoreportazh të fuqishëm nga Delvina, e cila vijon të digjet nga flakët që kanë përfshirë një pjesë të madhe të territorit.
Fotografi Florion Goga ka dokumentuar skenat dramatike në zonë: toka e djegur, tymi i dendur dhe banorët që shikojnë me trishtim teksa detyrohen të braktisin banesat e tyre për t’i shpëtuar katastrofës natyrore.
Sipas njoftimit të Ministrisë së Mbrojtjes, zjarri i nisur në Finiq është përhapur në drejtim të Delvinës, duke rrezikuar edhe qytetin pas përfshirjes së fshatrave Pecë, Kranë, Krongj, Kardhikaq dhe Sirakat. Autoritetet kanë nisur evakuimin e banorëve në zonat më të prekura.
