Instagram Stories tashmë është duke pasur po aq përdorues sa Snapchat. Së bashku me publikimin e statistikës prej 150 milion përdoruesve ditor, Instagram solli reklamat e integruara në historitë.
Fotot dhe videot, 5 dhe 15 sekonda respektivisht, do të shfaqen brenda historive dhe mund të kapërcehen.
Për këtë arsye Instagrami pritet të gjenerojë 3.64 miliard dollar të ardhura, pothuajse dyfishin e shumës së gjeneruar në 2016 thotë firma analitike eMarkete.
Rrjeti social i fotografive do të ofrojë llogari biznesi me analiza të audiencës, replikave, shtrirjes, mbresave dhe largimeve nga reklamat.
Gjatë Tetorit, historitë e Instagramit arritën 100 milion përdorues ditorë. Sot numri i përdoruesve të historive është i barabartë me numrin e përdoruesve të Instagramit në 2013-tën. Rrjeti social tashmë numëron 600 milion përdorues mujorë dhe 300 milion ditor.
Reklamimi i ri do të shfaqet në të gjithë botën por momentalisht do të testohet vetëm tek 30 partnerë. 70% e përdoruesve të rrjetit social ndjekin të paktën një biznes, prandaj kompania beson se reklamat nuk kanë për t`i shqetësuar.
Reklamat do të shiten bazuar në koston për 1000 përshtypje dhe aktualisht nuk ofrohet një mënyrë për tu qasur në uebsajtin e reklamuesit direkt nga Instagram.
