Pakënaqësi nga drejtimi në të cilin lëviz vendi, mbështetje e fuqishme për anëtarësimin në BE dhe rritje të perceptimeve pozitive për Turqinë tregon anketa e re e Qendrës për hulumtime të anketave nga Instituti Republikan Ndërkombëtar për Maqedoninë e Veriut.
Të pyetur për drejtimin e lëvizjes së vendit, vetëm 13 për qind e qytetarëve të Maqedonisë janë përgjigjur se vendi po ecën në drejtimin e duhur, ndërsa 58 për qind janë përgjigjur se po lëviz në drejtimin e gabuar. Njëzet e tetë për qind e të anketuarve ishin neutralë.
Anketa gjithashtu tregon mbështetje të fuqishme për anëtarësimin në BE edhe krahas rënies prej 11 për qind pikë nga nëntori i vitit 2021. Shtatëdhjetë e tre për qind e qytetarëve nga Maqedonia duan të inkuadrohen në BE, ndërsa 24 për qind nuk janë për inkuadrim në BE.
Anketa tregoi se 87 për qind e qytetarëve pajtohen plotësisht ose disi pajtohen se marrëdhëniet e forta me Turqinë i shërbejnë më së miri interesave të vendit.
