Kandidati i Aleancës për Shqiparët për kreun e Komunës së Likovës, Bekim Afuzi ka shprehur përkrahje publike për kandidatin e Lëvizjes BESA, Shaban Zendeli, i cili në rrethin e dytë të zgjedhjeve lokale do të përballet me kandidatin e BDI-së, Erkan Arifi.
Afuzi ka postuar në Facebook një foto ku shihet bashkë me kandidatin e Lëvizjes BESA, i shoqëruar me mesazhin: Do të jem krahu i djathtë në FITOREN E MADHE.
Edhe kjo është në frymën marrëveshjes së bashkëpunimit të nënshkruar nga dy partitë për ta mbështetur njëra-tjetrën në rrethin e dytë të zgjedhjeve.
Në rrethin e parë, Bekim Afuzi ka marrë 1.901 vota, ndërsa Shaban Zendeli i Lëvizjes BESA ka marrë 2.607 vota.
