Katër persona janë arrestuar për 24 orë në Kosovë për dhunë në familje.
Sipas njoftimit të Policisë në fshatin Saradran në Istog janë arrestuar dy të dyshuar meshkuj shqiptar (babë e djalë), pasi që të njëjtit pas një mosmarrëveshje, janë përleshur fizikisht në mes veti. Me vendim të prokurorit, pas intervistimit njeri i dyshuar është liruar në procedurë të rregullt, ndërsa i dyshuari tjetër është dërguar në mbajtje.
Një mashkull është arrestuar në fshatin Çikatovë e vjetër në Gllogoc i cili pas një mosmarrëveshje ka sulmuar fizikisht gruan dhe djalin e tij, po ashtu i dyshuari në dorë kishte marr armën e gjuetisë të cilën e posedonte pa leje. Viktimave ju është ofruar tretmani mjekësor, ndërsa me urdhër të prokurorit, i dyshuari dërgohet në mbajtje.
Ndërkaq në fshatin Ternavë në Podujevë është arrestuar e dyshuara femër, pasi që e njëjta pas një mosmarrëveshje ka sulmuar fizikisht vjehrrën e saj viktimën. Viktima ka pranuar tretman mjekësor. Me vendim të prokurorit, pas intervistimit e dyshuara është liruar në procedurë të rregullt.
