Këshilli Gjyqësor nuk bën të ditur nëse do të veprojë sipas kërkesës së Antikorrupsionit për inicimin e procedurës për përcaktimin e përgjegjësisë disiplinore ndaj anëtares së tyre Antoaneta Dimovska, për të cilën Komisioni për Parandalimin e Korrupsionit konstatoi konflikt interesi, ndërsa ajo si anëtare e Këshillit, ka kërkuar që të kërkohet përgjegjësi të gjykatësit suprem. Në përgjigjen e shkurtër që e morëm nga Këshilli Gjyqësor, thuhet se procedurat për përcaktimin e përgjegjësisë së gjykatësit janë të natyrës së besueshme, pa bërë të qartë nëse do të niset procedurë e këtillë ndaj Dimovskës. Gjykata Supreme ende nuk është përgjigjur në pyetjet tona se si e komentojnë nismën e Antikorrupsionit për fillimin e procedurës kundër Dimovskës. Të premten Antikorrupsioni vendosi që të nis procedurë kundër gjykatëses Antoaneta Dimovska, si dhe të paraqes nismë në Këshillin Gjyqësor për fillimin e procedurës disiplinore ndaj saj, sepse vlerësoi se ajo si anëtare e Këshillit, ka kërkuar të niset procedurë kundër gjykatësve suprem të cilët vendosën në rast që si paditëse e ka humbur motra e saj, Snezhana Kalevska Vançeva, ish-deputete nga radhët e LSDM-së. /Alsat.mk
