Ambasadori i ShBA-së në OKB në kohën kur është shpallur pavarësia e Kosovës, Zalmay Khalilzad është dekoruar sot nga presidenti Thaçi me medaljen “Urdhri i Lirisë”.
Khalilzad tha pas dekorimit se ndihet i nderuar nga presidenti Thaçi dhe populli i Kosovës, shkruan arbresh.info.
Ai shtoi se ishte në Kosovë 10 vite më parë dhe se prej atëherë është shënuar progres i madh në Kosovë.
“Kosova është e pavarur, është duke ndërtuar institucione të shkëlqyera. Kosova është pranuar si shtet i pavarur nga shtetet më të rëndësishme në botë. Ekonomia e Kosovës po perfomon mirë dhe Kosova është duke punuar në përmirësimin e raporteve me Serbinë. Në këto pak vite Kosova ka shënuar progres të madh”, u shpreh ambasadori Khalilzad./Arbresh.info.
