Kryeministri i vendit Dimitar Kovaçevski deklaroi sot se Konferenca e dytë ndërqeveritare nuk do të mbahet për shkak të koalicionit anti evropian, anti NATO dhe pro rus, VMRO-DPMNE dhe “Levica”. Ai me këtë rast hodhi akuza të ashpra ndaj partisë më të madhe opozitare në vend, VMRO-DPMNE-së e cila sipas tij bashkë me partinë E Majta janë frenuesit më të mëdhenj të integrimit të vendit në BE, shkruan Alsat.
“Kjo vizitë punë në Bruksel mundej të dukej shumë më ndryshe, mundeshe të vinim edhe si fitimtar, zëshëm dhe qartë bashkë të themi se ne vazhdojmë me hapjen e kapitujve nga të gjitha klasterët për negociata me Bashkimin evropian dhe se e vazhdojmë rrugën tonë euro-integruese. Por u dëshmua se frenuesi i vetëm në shtet është koalicioni anti BE, anti NATO dhe pro-rus janë VMRO-DPMNE dhe Levica, qytetarët tanë duhet të binden se me këto politikanë ju privohet mundësia për kyçjen e shpejtë në familjen e madhe evropiane. Qytetarët tanë kishin mundësin që edhe njëherë të binden se si dukej viti 2008 asokohe ishte në Bukuresht, dje dhe sot është në Bruksel”, tha Kovaçevski.
