Një ditë para vendimit përfundimtar, Komisioni Rregullatori i Energjetikës bën përllogaritjet përfundimtare se sa do të jetë rritja e çmimit të energjisë elektrike nga 1 korriku.
Për mediat nuk është publikuar asnjë detaj, vetëm shifra jozyrtare.
Është e sigurt vetëm se rritja do të jetë 10 deri mbi 10 përqind.
Kompanitë energjetike kanë treguar kosto shumë të larta, por, sipas presidentit të ERC-së, nuk do të njihen të gjitha.
Ekspertët pajtohen se rryma do të jetë më e shtrenjtë, sepse çmimi po rritet në tregun botëror, por është mirë që do të zhvlerësohet, pra do të jetë më e ulët se realja.
Ekspertët energjetik thonsë se ndarja tarifore në 4 blloqe mund t’i ngatërrojë qytetarët dhe të lërë vend për dyshime se a ka EVN kapacitet për të lexuar matësat çdo muaj në të gjithë vendin?
“Çmimet do të jenë më të larta, por shpresoj që prodhimi vendas të rritet. Do të prisja nëse do të ketë lexime të rregullta të njehsorëve në mbarë Maqedoninë dhe nëse qytetarët do të informohen se cila pajisje ka konsum më të madh”, thotë Sanja Bozhinovska, analiste energjetike.
Faturat familjare nga muaji i ardhshëm do të ndahen në 4 blloqe.
Ata që konsumojnë më shumë, mbi 1 megavat, do të paguajnë më shumë.
Megjithatë, shumica e familjeve do të hyjnë në 2 ose 3 blloqe, ku sipas autoriteteve çmimi do të jetë i pranueshëm dhe pak më i lartë.
Ndryshe, ESM i ofroi EVN Home-it 17% çmim më të lartë, pra 48 euro për megavat orë.
MEPSO dhe Elektrodistribucia kërkuan rritje të çmimit prej 68 dhe 80 për qind.
Për të parandaluar ndikimin në standardin e qytetarëve, çmimi i përcaktuar do të jetë më i ulët se ai real, ndërsa diferenca do të subvencionohet nga shteti.
Nga 1 gushti, përveç rrymës, qytetarët i pret edhe ngrohje më e shtrenjtë.
