Lideri i AKR-së, Behgjet Pacolli, ka kërkuar nga kryeministri i Kosovës, Isa Mustafa, që të reagojë dhe ta ndalojë dialogun me Serbinë, për shkak se shteti serb po sjell në Kosovë një tren në mënyrë ilegale, duke mos pyetur institucionet e Kosovës.
Ai në një shënim në Facebook ka kërkuar ndërhyrjen e shtetit.
“Kryeministër reago! Pezulloje dialogun me Serbinë. Serbisë i duhet dhënë leksion. I duhet dhënë leksion shtetëror për të gjitha veprimet që bën karshi Republikës së Kosovës”, ka shkruar Pacolli në Facebook.
“Muri, treni, fletarrestët ndaj qytetarëve të Kosovës janë vetëm disa nga arsyet pse Kryeministri i Kosovës në mënyrë urgjente duhet të ndërmarrë vendimin për pezullimin e dialogut”.
“Politika e Kosovës duhet të unifikohet në qëndrimet shtetërore ndaj Serbisë, sepse Kosova çdo ditë po rrezikohet. Kryeministër reago”.
