Kryeministri i Kosovës, Ramush Haradinaj ka njoftuar se Gjiganti Trepça, pas votimit në Kuvend të Statutit të saj, është regjistruar si kompani në bazë të ligjeve të Kosovës.
Haradinaj këtë, e ka quajtur lajm të madh ndërsa shton se Trepça do të rikthehet me shkëlqimin e dikurshëm dhe do të jetë krah i fuqishëm i ekonomisë së vendit.
‘Më në fund lajmi i madh. Gjiganti Trepça, pas votimit në Kuvend të Statutit të saj, është regjistruar si kompani në bazë të ligjeve të Kosovës. Trepça do të rikthehet me shkëlqimin e dikurshëm dhe do të jetë krah i fuqishëm i ekonomisë sonë.
Urime e me fat,’ ka shkruar Haradinaj.
Kujtojmë se, Kuvendi pas një seance më 3 shkurt të këtij vitit ka miratuar statutin e Minierës së Trepçës.
Dokumenti, parashikon regjistrimin e saj si një ndërmarrje te re në përputhje me ligjin e miratuar në vitin 2016, sipas të cilit, Qeveria e Kosovës bëhet pronare me 80% të kapitalit.
