Piktura “Koka e një gruaje” e Pablo Picasso (majtas) dhe “Mulliri i erës” i Piet Mondrian shfaqen për mediat gjatë një konference shtypi në selinë e policisë së Athinës të martën.
Ministrja e Kulturës i Greqisë të martën konfirmoi rikthimin e dy pikturave të mjeshtrave të shekullit 20 që ishin vjedhur nga Galeria Kombëtare e Greqisë në janar 2012.
“Sot është një ditë shumë e veçantë, plot gëzim dhe emocione,” tha Lina Mendoni në një konferencë shtypi në Athinë së bashku me Ministrin e Mbrojtjes së Qytetarëve, Michalis Chrysochoidis, duke përshëndetur kthimin me sukses të “Kokës së Gruas” të Pablo Picasso dhe “Mullirit të Erës” të Piet Mondrian.
“Kjo pikturë ka një rëndësi të veçantë dhe vlerë sentimentale për popullin grek, sepse ajo personalisht iu dedikua nga piktori i madh popullit grek për luftën e tij kundër forcave fashiste dhe naziste,” tha ajo.
Policia ka arrestuar një 49-vjeçar në lidhje me grabitjen e mirëorganizuar, e cila përfshinte anashkalimin e sistemit nën-standardet të sigurisë së muzeut dhe heqjen e pikturave nga kornizat e tyre – të gjitha me sa duket brenda shtatë minutash.
Edhe një vizatim nga piktori italian i shekullit të 16-të Guglielmo Caccia u vodh gjithashtu.
Sipas raporteve zyrtare, veprat e artit u gjetën në një magazinë në Keratea, në lindje të Athinës, pasi ndërtuesi 49-vjeçar dyshohet se rrëfeu për vjedhjen pas arrestimit të tij.
Pikturat e Picasso dhe Mondrian thuhet se ishin ruajtur mirë dhe u rivunë në vend në gjendje të mirë. “Kthimi i tyre është një sukses i madh,” tha Chrysochoidis, duke shtuar se veprat tani mund të rimarrin “vendin e tyre natyror” në Galerinë Kombëtare e cila sapo u hap pas një riorganizimi të gjerë, me vite të tëra që filloi pas grabitjes në muzeun më të madh të artit të vendit.
Mirëpo vizatimi i Caccia nuk është gjetur. I dyshuari thuhet se i tha Policisë se ai dëmtoi vizatimin kur po e hiqte nga korniza dhe e shkarkoi bashkë me ujin në një tualet.
© SYRI.net
