Kryeministri i Kosovës, Albin Kurti sot është takuar me emisarin e Bashkimit Evropian, Miroslav Lajçak në Greqi në kuadër të Simpoziumit SYM.
Përmes një postimi në Twitter, Kurti ka bërë të ditur se me emisarin evropian kanë biseduar për uljen e tensioneve dhe normalizimin e marrëdhënieve me Serbinë.
Ai ka përsëritur se Kosova mbetet e përkushtuar për dialog.
“Pata një bisedë të gjatë me emisarin Miroslav Lajcak, në margjinat e Simpoziumit të 25-të të SYMI në Kretë, për uljen e tensioneve dhe normalizimin e marrëdhënieve me Serbinë. Ne mbetemi të përkushtuar. Moti ishte shumë më i nxehtë se diskutimi ynë”, ka shkruar Kurti./21Media