Deputeti i Vetëvendosjes, Albin Kurti ka thënë sot në Kuvend se mos përfshirja e luftës së UÇK-së në deklaratën e pavarësisë është kriminalizim.
“UÇK është braktisur në dokumentet themelore të deklaratës së Pavarësisë dhe disi natyrshëm i nënshtrohet kriminalizimit. Ushtarët e luftës nuk mund të thuhet se është e harruar, por janë mohuar dhe kështu ajo kriminalizohet, dhe meqë u la jashtë shtetit ajo mbyllet brenda burgjeve”, kështu ka thënë deputeti i Lëizjes Vetëvendosje Albin Kurti, në seancën e jashtëzakonshme ku po diskutohet për ndalimin e Ramush Haradinajt në Francë, transmeton Gazeta Monitor.
Madje ai tha se Kosova duhet të ndërpres dialogun me Serbinë e cila nuk i ka sjellë asnjë të mirë Kosovës dhe shkëputjen tregtare.
“Këto ditë intensivisht është folur për arrestimin e Haradinajt dhe jo vetëm se na vjen keq por jemi ë revoltuar ndaj kësaj qeverie. Me dialogun në Bruksel Kosova nuk mund të jetë palë kur vazhdimisht është temë, dhe derisa je temë nuk mund të jesh palë. Ky dialog na kushtoi shtrenjtë, normalizimi nuk ka qenë drejtë njohjes por normalizim për mosnjohjen. Me Serbinë kemi edhe armiqësinë aktuale por edhe krimet”, tha Kurti.
