Kandidati i koalicionit LDK-AKR-Alternativa, përballë gazetarëve në RTV Dukagjini, ka folur për listën e kandidatëve për deputetë, bartës i të cilës është vet ai,.
Gazetari Vehbi Kajtazi ka komentuar këtë listë, duke thënë se në gjenden persona që hetohen për nga drejtësia. Ai ka përmendur Naser Osmanin, i cili hetohet për fondin e 3 për qindëshit.
Hoti ka thënë se përderisa Osmani nga drejtësia nuk është shpallur fajtor, nuk mund të cilësohen si të tillë.
Më tej është përmendur edhe emri i Ramiz Kelmendit, i cili ka ndërruar tri parti e që tani gjendet në listën e LDK’së.
Hoti e ka quajtur Kelmendin biznesmen pa ndonjë njollë ligjore në veprimtarinë e tij, ndërsa gazetari Kajtazi ka thënë se në fabrikën e kandidatit të LDK’së i janë gjetur mbi gjashtë mijë kilogramë mish pa afat. /Express/
