Në orët e vona të natës, aktori dhe politikani Adem Mikullovci, ka ndërruar jetë në moshën 81 vjeçare.
Ai qysh në vitin 1990 ishte në mesin e deputetëve të Kuvendit të Kosovës të cilët shpallën Deklaratën Kushtetuese të 2 Korrikut.
Mikullovci hyri sërish në politikë kur u bashkua me Vetëvendosjen në maj të vitit 2017. Në zgjedhjet parlamentare të atij viti ai u zgjodh deputet në Kuvendin e Kosovës.
Madje në disa momente edhe kishte zgjedhur të kritikonte ish-kryetarin e Kuvendit Kadri Veselin.
Veseli gjatë një seance të Kuvendit, po lexonte shpejt projektligjet para votimit, e kjo kishte bërë që të reagojë tashmë ish-deputeti i ndjerë i Lëvizjes Vetëvendosje, Adem Mikullovci.
Ai kishte zgjedhur imitimin që t’ia bëjë me dije Veselit se po lexon shumë shpejt.
“Epo fola zoti kryetar sikur ju, shumë shpejt po lexoni, s’po ju kuptojmë, s’po e di çka po votoj”, kanë qenë fjalët e Mikullovcit i cili me profesion është aktor.
Adem Mikullovci ka lindur në vitin 1939 në Vushtrri, kurse përgjatë jetës së tij ka luajtur në shumë projekte filmike, teatër, komedi dhe shumë performanca të tjera artistike.