Opozita shqiptare akuzon zëvendëskryeministrin e parë, Artan Grubi se përmes njerëzve të afërt po zhvillon dhe zgjeron tregun e kazinove në vend. Së fundi sipas raportit të Radios Evropa e lirë, një 19 vjeçar nga Kumanova ka fituar tender për furnizimin me aparate të lojërave të fatit, gjë që sipas opozitës shqiptare paraqet edhe një dëshmi se si njerëzit e afërt të Grubit dhe BDI-së janë të lidhur ngushtë me lojërat e fatit.
+ Deklaratë
“Para ca kohësh personazh ishte nipi i Ali Ahmetit me blerjen e “Soravias”, ndërsa sot është një 19 vjecar nga Kumanova që do të blen aparate për lojëra fati. Qiranë astronomike prej 2.6 milion eurosh për ambientet e Lotarisë Shtetërore e ka marr një kompani në të cilën menaxhere është kushërira e Artan Grubit, ndërsa tenderët në Lotarinë Shtetërore i marrin kompanitë e përhershme “Arbëria Design” dhe “Media Grouo Dooel Tetovë” të cilat janë të regjistruara në të njëjtën adresë,” deklaroi Amir Elezi, Lëvizja Evropiane për Ndryshim.
