Lirim Gula, një aktivist dhe mirëbërës i dedikuar, ka rënë në sy të publikut anglez dhe më gjerë, me grupin e tij “Dorabros”. Ai së bashku me tre shokët e tij, kanë krijuar këtë ndërrmarrje mirëbërësie që ka si qëllim grumbullimin e parave për “Trustin e Kancerit të Adoleshentëve”.
Më parë Lirim Gula, ashtu sikurse dhe babai i tij Adi Gula, që njihet për ndihmën e tij të madhe për Kosovën, ka ngritur flamurin e shtetit të Kosovës në mjaft pika, ku spikat ngritja e tij në malet e Zvicrës.
Tani bashkë me grupin“Dorabros” flamuri i Kosovës do të kalojë Saharën, Kanalin dhe do të shkojë drejt atlantikut në ndihmë të Trustit.
Po “Dorabros” ka nevojë për ndihmën e të gjithëve. Prandaj planet e këtij grupi sportiv me dashamirësi të madhe humanitare kërkojnë më shumë ndihmë. Ata shkruajnë se: “Në vitin 2019 ne do ti drejtohemi Saharës, do të notojmë në “The Channel” dhe do të pasojmë dallgët e atlantikut në ndihmë të Trustit të Kancerit të Adoleshentëve dhe ne do të kemi nevojë për gjithë mbështetjen që mund të arrijmë planet tona”. “Dorabros” shkruan gjithashtu në rrjetin social Facebook se “Çfarë ndjenje ishte të zgjohemi këtë mëngjes dhe të shohim se @ stbenedictsschool ngriti 600 £ për trustin në Ballin e tyre Vjetor SPF të Krishtlindjeve. Ishte një kënaqësi e madhe për të takuar Z. Johnson, Drejtoreshën e Shkollës së Shën Benediktit dhe për të parë të gjitha ndryshimet në shkollë që kur ishim studentë në vizitën tonë muajin e kaluar. Të gjithë kemi kujtime të mrekullueshme të kohës sonë në shkollë dhe asnjë nga këto nuk do të ishte e mundur pa Shën Benediktin. Faleminderit të gjithëve për mbështetjen tuaj!!”
