Ministri i Zhvillimit Ekonomik, Valdrin Lluka ka thënë se nuk ka mundësi buxhetore për t’u ngritur pagat e punëtorëve të Trepçës për 20%.
Lluka, ka thënë se shteti e subvencionon Trepçën me rreth 4 milionë euro në vit.
“Nëse nuk do të bënte shteti këtë subvencionim, Trepça nuk do të mund të përballonte shpenzimet që ka. Pra, nëse ne do të ngisnim pagat në Trepçë, do të duhej të bënim nga buxheti i shtetit, që i bie se taksapaguesit do të paguanin këtë ngritje të pagave, kur dihet se paga mesatare në Trepçë sillet rreth 800 euro”.
