Mbrëmja e kaluar në shtëpinë e Big Brother VIP Albania ishte e mbushur me festë dhe emocione, teksa banorët festuan ditëlindjen e aktorit Laert Vasili.
Megjithatë, një moment i veçantë tërhoqi vëmendjen e publikut dhe shkaktoi reagime në rrjetet sociale.
Teksa atmosfera ishte plot gjallëri, në një moment Jozi mori mikrofonin dhe nisi të këndonte. Ajo çfarë ra në sy ishte reagimi i Loredanës, e cila dukej e prekur dhe gati në lot teksa dëgjonte performancën e tij.
Pamjet e transmetuara treguan reperen e njohur të përfshirë nga emocionet, duke lënë të kuptohet se kënga e Jozit kishte një ndikim të madh tek ajo.
Sigurisht, këto emocione lidhen me faktin se Loredana dhe Jozi dikur patën një afrimitet të dukshëm brenda shtëpisë, por tashmë marrëdhënia e tyre ka ndryshuar.
Jozi është parë kohët e fundit duke flirtuar me një tjetër banore, Olen, gjë që ka krijuar një dinamikë të re mes tij dhe Loredanës.
Momenti i mbrëmshëm ka nxitur diskutime mes fansave të formatit, të cilët kanë vënë re se Loredana ende ka ndjenja për Jozin ose ndoshta është thjesht e zhgënjyer nga ndryshimi i tij i shpejtë në qëndrim.
