Sulme të shumta me raketa janë zhvilluar ditën e sotme në qytetin jugor të Zaporizhzhia, duke shënuar kështu sulmin më të madh të ndodhur deri më tani në qytet, ku të paktën një person ka vdekur dhe tre të tjerë janë plagosur.
Zyrtarët ukrainas thonë se Rusia ka mbledhur tre nga grupet e saj të batalionit në Vasylivka rreth 50 km (30 milje) në jug të qytetit, por nuk është ende e qartë nëse ata planifikojnë të nisin një ofensivë në Zaporizhzhia.
Zona është e rëndësishme sepse është një qendër kryesore transporti, veçanërisht për hekurudhat.
Më herët gjatë konfliktit, shumë njerëz nga Mariupol u nisën për në qytet, i cili deri më tani mendohej se kishte qenë relativisht i sigurt.
Zaporizhzhia është gjithashtu afër vendit të një centrali bërthamor, i cili është më i madhi në Europë, në bregun jugor të lumit Dnieper.
Trupat ruse po pushtojnë zonën e përhapur dhe ndërsa stafi ukrainas po e operon atë, rusët kanë dërguar ekspertët e tyre bërthamorë për të monitoruar punën e tyre.
Normalisht, termocentrali gjeneron më shumë se gjysmën e energjisë bërthamore të Ukrainës dhe 20% të furnizimit total me energji elektrike të vendit.
© SYRI.net
