Dy persona janë plagosur si pasojë e një aksidenti i cili ka ndodhur rreth orës 14:30 në aksin rrugorë Fushë-Krujë – Tiranë.
Makina ku po udhëtonin dy shtetasit e plagosur, është përplasur me trotuarin.
Mësohet se të plagosurve i është dhënë ndihma e parë mjekësoren në Ambulancën e Fushë-Krujës dhe janë dërguar menjëherë drejt Spitalit Ushtarak në Tiranë.
Nga dy shtetasit e plagosur, njëri prej tyre është në gjendje kritike.
Ndërkohë sipas policisë shkak i aksidentit është bërë humbja e kontrollit të mjetit nga drejtuesi i tij i cili po udhëtonte me shpejtësi të madhe. Policia është duke punuar për zbardhjen e mëtejshme të ngjarjes.
