Një bashkëpunim i shkëlqyeshëm me Ministren e Mbrojtjes së Republikës së Maqedonisë znj.Radmilla Sheqerinska dhe zv/Ministrin Bekim Maksuti.
Së bashku përuruam urën e re në fshatin Poroj e cila ishte shkatërruar në tërësi nga vërshimet që kapluan këtë vendbanim, kanë thënë sot nga komuna e Tetovës.
“Ne si komunë siguruam të gjitha materialet ndërtimore ndërsa armata e RM-së me fuqi punëtore bëri ndërtimin e urës. Ky investim ishte mjaftë i nevojshëm për shkak se bllokonte qarkullimin e banorëve dhe makinave në një pikë e cila lidhte fshatin. Për vitin 2018 së bashku me UNDP është projektuar ndërtimi i digave, më çka do të bëhej një preventive serioze nga fatkeqësitë natyrore. Falënderoj Bashkësinë lokale të f. Poroj, banorët, armatën dhe të gjitha ata që u angazhuan për këtë projekt mjaftë të rëndësishëm”, kanë thënë nga komuna e Tetovës.
