Anëtarët e Komisionit të Rithemelimit kanë mbërritur sërish sot te selia e PD.
Mbështetësit e ish-kryeministrit Sali Berisha kanë ndaluar në derën kryesore të selisë blu dhe kanë tentuar ta hapin, por ajo ka qenë e mbyllur.
Pas kësaj, ata kanë kaluar te dera e pasme e selisë, e cila po ashtu ka rezultuar e mbyllur. Jashtë ambienteve të selisë, anëtarët e Komisionit të Rithemelimit kanë bërë thirrje që t’i bashkohen të gjithë protestës së nesërme jashtë PD-së, e thirrur nga ish-kryeministri Berisha.
“Vetëm në këtë seli nuk përgatitet më asnjë aksion ndaj qeverisë Rama, kur mbyllen dyert për demokratët”, tha mes të tjerash një prej mbështetësve të Berishës.
