Ambasadorët e rinj të Republikës së Maqedonisë së Veriut jashtë vendit sot duhet t’i prezantojnë platformat para Komisionit kuvendor për politikë të jashtme, që dje pasdite caktoi seancë për këtë pikë.
Para anëtarëve të Komisionit është planifikuar t’i shpalosin platformat e tyre për veprimtarinë diplomatike të ambasadorit të jashtëzakonshëm dhe fuqiplotë të Maqedonisë së Veriut në SHBA Zoran Popov, ambasadorit të ri në Kanada Agron Buxhaku, ambasadorit të Maqedonisë së Veriut në Norvegji Driton Kuqi, si dhe ambasadori në Mbretërinë e Belgjikës, Metodija Belevski.
