Shqiptarët e Haraçinës kanë besim të plotë te kryetarja e komunës, Milikije Halimi se do të përmbushë premtimet për ndërtimin e ujësjellësit dhe të kanalizimit në fshat, përkundër asaj se në buxhetin e komunës për vitin 2018 janë paraparë shuma simbolike parash për realizimin e këtyre projekteve. Për ata e rëndësishme është që kryetarja Halimi, si përfaqësuese e Lidhjes socialdemokrate, e ka mbështetjen e kryeministrit Zoran Zaev.
Zëdhënësi i komunës, Nasir Alimi thotë se kryetarja nuk ka harruar premtimet e dhëna para qytetarëve, por se për realizimin e tyre duhet pak kohë. Alimi thotë se komuna e ka mbështetjen e plotë të qeverisë, por nuk tregoi se sa mjete ka ndarë ajo në vitin 2018 për realizimin e projekteve në Haraçinë.
https://www.facebook.com/Almakos1/videos/2014519611922214/
“Projektet janë gati por nuk ka ndonjë datë të saktë se kur pritet të fillojnë. Më kryesorja është se e kemi mbështetjen e qeverisë dhe na është premtuar ndihmë. I pari projekt që do të realizohet do të jetë ai i ujësjellësit në mënyrë që do të ndërrohen të gjithë gypat e vjetër me të rinjtë. Procedura e njëjtë do vlej edhe për projektin e kanalizimit, me ç ‘rast gypat e vjetër do të ndërrohen me të rinjtë, aty ku nuk ka fare do vendosim”, deklaroi për Almakos Nasir Alimi,
Alimi thotë se se nga buxheti i komunës janë paraparë më pak se dyqind mijë euro për projektin e ujësjellësit dhe kanalizimit, që janë shumë të pakta për ndërtimin e tyre.
Përkundër asaj se me dyqind mijë euro mjete të komunës dhe mungesës së mjeteve shtesë nga qeveria për realizimin e projekteve në Haraçinë, qytetarët vazhdojnë të besojnë premtimeve me fjalë të kryetarës Halimi dhe kryeministrit Zaev.
“Jo vetëm ajo edhe kryeministri tha, do të rregullohen ose jo e dinë ata vet, ne nuk dimë” tha banori i Haraçinës për Almakos.
“Ajo dihet, për atë i kemi votuar për të bërë ndonjë gjë, nëse jo do të humbin vetë sepse ne apet të njëjtët jemi” shtoi banori.
“Besoj që ata premtime që i ka bërë do ti plotësoj krejt, jam optimist”, tha shkurt një banor tjetër i Haracinës.
“Mendoj se premtimet duhet të mbahen, ata që premtohen duhet edhe të realizohen, duhet ti kuptojmë janë projekte të mëdhaja dhe duhet kohë”, pohoi banori për Almakos.
