Sipas ministres Ahmetaj, kjo marrëveshje do të ndihmojë në arritjen e obligimeve të parapara në kuadër të MSA-së, në fushat sikurse konkurrueshmëria dhe përkrahja për bizneset, arsimi dhe punësimi, si dhe të drejtat e njeriut.
“Të dashur qytetarë, sot po fillojmë komunikimin tonë në një mënyrë më të lehtë dhe të qasshme për të gjithë. Dëshirojë që lajmin e parë me ju ta ndaj me informimin rreth takimit të mbajtur ditë me parë me Drejtoreshën e Komisionit Evropian për Ballkanin Perëndimor, Genoveva Ruiz Calavera, ku pranova pjesën e parë të Marrëveshjes Financiare të Instrumentit të Para Anëtarësimit (IPA) 2016, në vlerë prej 45.5 milion euro nga kontributi i përgjithshëm i BE-së për Kosovën prej 70.5 milion euro. Kjo marrëveshje do të ndihmojë në arritjen e obligimeve të parapara në kuadër të MSA-së, në fushat sikurse konkurrueshmëria dhe përkrahja për bizneset, arsimi dhe punësimi, si dhe të drejtat e njeriut”, ka shkruar Ahmetaj.
