Nga Catherine Evans, BBC
Ndërsa Rusia vazhdon sulmin e saj ndaj Ukrainës, ekziston rreziku i zbehjes së interesit perëndimor, sipas një eksperteje të marrëdhënieve ndërkombëtare.
Kjo periudhë e luftës në Ukrainë është kritike për të hedhur poshtë akuzat e Putinit se Perëndimi ka një vëmendje afatshkurtër, thotë dr. Jenny Mathers, një pedagoge e lartë në Universitetin Aberystwyth.
Qeveria e Mbretërisë së Bashkuar thotë se po shpenzon 1.3 miliardë sterlina (1.6 miliardë dollarë) për mbështetjen ushtarake për Ukrainën, duke përfshirë këtu sistemet raketore me hedhje të shumëfishtë, ndërsa Senati i SHBA së fundmi miratoi një paketë ndihme ushtarake dhe ekonomike prej 40 miliardë dollarësh.
Por mund të bëhet akoma më shumë- dhe një ‘shtysë e madhe’ nga Perëndimi mund ‘ta kthejë valën’, thotë Mathers, e cila ka studiuar krizën në Ukrainë.
“Por për sa kohë janë të gatshme qeveritë perëndimore që të vazhdojnë përpjekjet për të ndihmuar Ukrainën?”
“Po hyjmë në një periudhë kur nuk ka shumë lajme emocionuese- nuk është një histori triller që ia vlen të mbulohet çdo minutë. Është diçka e bluar, e përsëritur, e ngadaltë dhe mjaft dëshpëruese”.
“Ekziston rreziku që kolektivisht, publiku, media dhe qeveritë të mërziten me këtë, të shfaqen gjëra të tjera dhe ne ta kthejmë vëmendjen diku tjetër”.
