Ulje e dukshmërisë për shkak të paraqitjes së mjegullës nga 50 – 100m ka në akset rrugore Demir Kapi – Negotinë, Katllanovë – Shkup, Kumanovë – Shkup dhe Strugë – Ohër, nga 30 – 50 m në drejtimin rrugor drejt Qarkores (nga nyja Hipodrom – Saraj), si dhe në disa rrugë tjera.
Në Aeroportin Ndërkombëtar të Shkupit, sipas njoftimit në ueb faqen e tyre, mëngjesin e sotëm është anuluar fluturimi nga Shkupi për në Stamboll, ndërsa fluturimi nga Stambolli për Shkup ka vonesë prej një ore.
Qarkullimi në rrugët shtetërore zhvillohet në kushte dimërore, të gjitha rrugët janë të kalueshme, pa ndalesa dhe kufizime. Intensiteti i qarkullimit në rrugët jashtë mjediseve urbane është mesatar. Në vendkalimet kufitare nga ana e Maqedonisë nuk ka më vonesa për hyrje dhe dalje nga vendi.
LAMM rekomandon rregullim të shpejtësisë së lëvizjes, respektim të sinjalistikës në komunikacion dhe menaxhim të kujdesshëm të automjeteve, veçanërisht në rrugët nëpër lugina dhe gryka ku ka mundësi për rrëshqitje të dheut. Kjo vlen veçanërisht për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
