Ministri serb i Mbrojtjes, Zoran Gjorgjeviq, ka deklaruar sot se gjatë pesë-gjashtë vjetëve të ardhshëm do të ndahen 185 milionë euro për 10 aeroplanë lufte MiG-29.
Këto para do përdoren për modernizimin, mirëmbajtjen, armatosjen, pajisjen e avionëve MiG-29, që do të jenë në përdorim 14 deri në 15 vjet.
Në dy vjetët e ardhshëm është planifikuar pajisja e ushtrisë serbe me automjete të blinduara vendore.
Ai ka shtuar se pagat në ushtrinë e Serbisë janë më të mëdha sesa ato në Shqipëri, Mal të Zi e Bosnjë Hercegovinë.
